STK FJKM ILANIVATO

TANTARA

stkilanivato — , 28 2006 11:34:52 +0200

Tamin'ny taona 1960 no niforona ny Sampana Tanora Kristiana teto amin'ny FJKM Ilanivato. Ny isan'ny mpikambana tamin'ny voalohany dia 75.

Anisan'ny nampiavaka ny tanora teto Ilanivato tamin'izany fotoana izany dia ny fahaizany mihira ka nahatonga azy natetika nifandray tamin'ireo STK hafa ary koa nifanakalozana trahikefa.

45�me Anniversaire (1960 - 2005)

stkilanivato — , 28 2006 10:53:04 +0200

"Fa isika tsy mba naman'izay mihemotra ho any amin'ny fahaverezana" Hebreo 10. 39a

Io tenin'Andriamanitra io no teny filamatra nentina nanamarihana ny faha 45 taona niorenan'ny STK ILANIVATO (1960 - 2005)

Nitsingerina tamin'ny taona 2005 teo ny faha 45 taona niorenan'ny Sampana Tanora Kristiana teto amin'ny FJKM ILANIVATO fa ny datin'ny fanokafana dia ny 19 Septambra 2005, ny ivon'ny fankalaz�na kosa dia ny 23 Aprily 2006 ary ny famaranana izany fankalaz�na izany dia ny 05 Novambra 2006. Maro ireo zavatra nentina nanamarihana izany vaninandro lehibe izany, ka anisan'izany ny namoahana ny raki-kira an-tsary na ny VCD misy ny hiran'ny STK miisa 12 eo. Fanampin'izay koa dia nisy ny T-shirt natonta manokana misy ny marika famantarana izany faha 45 taona izany. Fa tsy azo adinoina ihany koa nefa ny fitoriana ny filazantsara na ny tafika masina tany amin'ny toerana maro samihafa.

FAMPAHAFANTARANA NY STK ILANIVATO

stkilanivato — , 26 2006 14:39:06 +0200

Isaorana Andriamanitra mbola manome antsika hatrany ny fahasoavany.

Ny Sampana Tanora Kristiana ILANIVATO dia sampana velona iray ao anatin'ny fiangonana FJKM ILANIVATO. Io sampana io dia natao indrindra hitaizana ny tanora amin'ny lafiny rehetra na ara-batana na ara-tsaina ary indrindra indrindra fa ny ara-panahy.

Ankehitriny dia misy mpikambana 80 ao anatin'ny sampana. Mikasika ny rantsana ao anatiny indray dia mizara 3 lehibe izy ireo:
1. Ny rantsana Hira izay ahitana ny antokompihira
2. Ny rantsana Fanatanjahatena
3. Ny rantsana Kolontsaina izay misy : ny teny vahiny (Anglisy sy Frantsay) sy ny Kabary

Ankoatr'ireo rantsana telo ireo nefa dia misy ny komity manokana miandraikitra ny ara-panahy satria zava-dehibe hiankinan'ny ain'ny sampana io ka tsy azo atao ambanin-javatra.

Dia mirary soa ho anao izay mitsidika ity takelaka ity.

TANJON'NY STK ILANIVATO

stkilanivato — , 26 2006 14:28:28 +0200

Ny tanjon'ny STK Ilanivato dia ny fitoriana ny filazantsara amin'ny olona rehetra ary ny ahatonga ny tanora malagasy hahafantatra ny lalana marina tokony hizorany. Ankehitriny ny FJKM ILANIVATO dia efa manao ny asa fitoriana ny filazantsara amin'ny alalan'ny MISIA MAZAVA izany hoe fiangonana misionera mandeha mitory ny filazantsara amin'ny alalan'ny fomba rehetra; ohatra ny sary sy ny feo @ fahitalavitra sy ny onjam-peo ary koa ny fandehanana eny an'ivon'ny olona na fitoriana ankalamanj�na izany.